II Ding Ari        II Kings 15:1	King kadua nang pulu at pitung banuang Jeroboam a ari ning Israel migmula yang migari i Azarias a anak nang Amazias a ari ning Juda.	In the twenty and seventh year of Jeroboam king of Israel began Azariah son of Amaziah king of Judah to reign.
II Ding Ari II Kings 15:2	Labi yang anam a banua tua inyang magmula yang magari; at migari yang limangpulu at aduang banua king Jerusalem: at ing laguiu na ning keang indu Jecolia ning Jerusalem.	Sixteen years old was he when he began to reign, and he reigned two and fifty years in Jerusalem. And his mother's name was Jecholiah of Jerusalem.
II Ding Ari II Kings 15:3	At depatan na ing matulid king panimanman nang GUINU, agpang king anggang depatan nang Amazias a keang ibpa.	And he did that which was right in the sight of the LORD, according to all that his father Amaziah had done;
II Ding Ari II Kings 15:4	Makanian man ding mangatas a karinan e la milako: ing balayan dinaun pa mu rin at dinuluk labun karing mangatas a karinan.	Save that the high places were not removed: the people sacrificed and burnt incense still on the high places.
II Ding Ari II Kings 15:5	At sigatan neng GUINU ing ari, nanupata meguing leprajan ya angga king aldo na ning keang kamatayan, at menuknangan ya king metung a makakawaning bale. At i Jotam a anak ning ari atiu king pamanibala king pibalebale, a mamatul ya king balayan na ning labuad.	And the LORD smote the king, so that he was a leper unto the day of his death, and dwelt in a several house. And Jotham the king's son was over the house, judging the people of the land.
II Ding Ari II Kings 15:6	Ngeni ing aliwa karing dapat nang Azarias, at ing anggang depatan na, e la wari makasulat king libru ra ding cronica ra ding ari ning Juda?	And the rest of the acts of Azariah, and all that he did, are they not written in the book of the chronicles of the kings of Judah?
II Ding Ari II Kings 15:7	At i Azarias metudtud yang kayabe ra ding keang mangatua; at kitkut deng kayabe ra ding keang mangatua king ciudad nang David: at i Jotam a anak na migari yang kalili na.	So Azariah slept with his fathers; and they buried him with his fathers in the city of David: and Jotham his son reigned in his stead.
II Ding Ari II Kings 15:8	King katlu nang pulu at walung banuang Azarias a ari ning Juda migari ya king Israel i Zacarias a anak nang Jeroboam karin king Samaria anam a bulan.	In the thirty and eighth year of Azariah king of Judah did Zachariah the son of Jeroboam reign over Israel in Samaria six months.
II Ding Ari II Kings 15:9	At depatan na ing marawak king panimanman nang GUINU, anti mo ing depatan da ding keang mangatua: e no kewanian ding kasalanan nang Jeroboam a anak nang Nebat, a peparapat nang meguing kasalanan ning Israel.	And he did that which was evil in the sight of the LORD, as his fathers had done: he departed not from the sins of Jeroboam the son of Nebat, who made Israel to sin.
II Ding Ari II Kings 15:10	At i Sallum a anak nang Jabes, minala yang laban kea, at sigatan ne king arapan na ning balayan, at pete ne, at migari yang kalili na.	And Shallum the son of Jabesh conspired against him, and smote him before the people, and slew him, and reigned in his stead.
II Ding Ari II Kings 15:11	Ngeni ing aliwa karing dapat nang Zacarias, oini, makasulat la king libru ra ding cronica ra ding ari ning Israel.	And the rest of the acts of Zachariah, behold, they are written in the book of the chronicles of the kings of Israel.
II Ding Ari II Kings 15:12	Iti ya ing amanu nang GUINU a keang sinabi kang Jehu, ngana, Ding kekang anak king kapat a dai lukluk la king luklukan na ning Israel. At makanian ing milyari.	This was the word of the LORD which he spake unto Jehu, saying, Thy sons shall sit on the throne of Israel unto the fourth generation. And so it came to pass.
II Ding Ari II Kings 15:13	I Sallum a anak nang Jabes migmula yang migari king katlu nang pulu at siam a banuang Uzias a ari ning Juda; at migari yang pabulan king Samaria.	Shallum the son of Jabesh began to reign in the nine and thirtieth year of Uzziah king of Judah; and he reigned a full month in Samaria.
II Ding Ari II Kings 15:14	At sinampa ya i Menahem a anak nang Gadi menibat king Tirsa, at miras ya king Samaria, at sigatan ne i Sallum a anak nang Jabes king Samaria, at pete ne, at migari yang kalili na.	For Menahem the son of Gadi went up from Tirzah, and came to Samaria, and smote Shallum the son of Jabesh in Samaria, and slew him, and reigned in his stead.
II Ding Ari II Kings 15:15	Ngeni ing aliwa karing dapat nang Sallum, at ing keang pamamala a depatan ne, oini, makasulat la king libru ra ding cronica ra ding ari ning Israel.	And the rest of the acts of Shallum, and his conspiracy which he made, behold, they are written in the book of the chronicles of the kings of Israel.
II Ding Ari II Kings 15:16	Kanita sinugat neng Menahem i Tifsa, at ding anggang atiu karin, at ding angganan na nita, manibat king Tirsa: uling e re biklatanan, inya sinugat ne iti: at ding anggang babai a mabuktut a atiu karin bilus no bituka.	Then Menahem smote Tiphsah, and all that were therein, and the coasts thereof from Tirzah: because they opened not to him, therefore he smote it; and all the women therein that were with child he ripped up.
II Ding Ari II Kings 15:17	King katlu nang pulu at siam a banuang Azarias a ari ning Juda migmula yang migari king Israel i Menahem a anak nang Gadi, at migari yang apulung banua king Samaria.	In the nine and thirtieth year of Azariah king of Judah began Menahem the son of Gadi to reign over Israel, and reigned ten years in Samaria.
II Ding Ari II Kings 15:18	At depatan na ing marawak king panimanman nang GUINU: e ya kinawani karing sablang aldo na karing kasalanan nang Jeroboam a anak nang Nebat, a peparapat nang meguing kasalanan ning Israel.	And he did that which was evil in the sight of the LORD: he departed not all his days from the sins of Jeroboam the son of Nebat, who made Israel to sin.
II Ding Ari II Kings 15:19	Dinatang yang salang king labuad i Pul a ari ning Asiria; at dininan neng Menahem i Pul metung a libung talentong pilak, bang ing keang gamat mantabe ya kea banang papagtibayan ing kayarian king keang gamat.	And Pul the king of Assyria came against the land: and Menahem gave Pul a thousand talents of silver, that his hand might be with him to confirm the kingdom in his hand.
II Ding Ari II Kings 15:20	At inawad nong Menahem ding salapi ning Israel, karing anggang masikanan a lalaki na pin ning pibandian, king balang katau limangpulung siclong pilak, barong ibie king ari ning Asiria. Inya ing ari ning Asiria mibalik ya, at e ya menatili karin king labuad.	And Menahem exacted the money of Israel, even of all the mighty men of wealth, of each man fifty shekels of silver, to give to the king of Assyria. So the king of Assyria turned back, and stayed not there in the land.
II Ding Ari II Kings 15:21	Ngeni ing aliwa karing dapat nang Menahem, at ing anggang depatan na, e la wari makasulat king libru ra ding cronica ra ding ari ning Israel?	And the rest of the acts of Menahem, and all that he did, are they not written in the book of the chronicles of the kings of Israel?
II Ding Ari II Kings 15:22	At metudtud ya i Menahem a kayabe ra ding keang mangatua; at i Pecaya a keang anak migari yang kalili na.	And Menahem slept with his fathers; and Pekahiah his son reigned in his stead.
II Ding Ari II Kings 15:23	King kalima nang pulung banuang Azarias a ari ning Juda migmula yang migari king Israel karin king Samaria i Pecaya a anak nang Menahem, at migari yang aduang banua.	In the fiftieth year of Azariah king of Judah Pekahiah the son of Menahem began to reign over Israel in Samaria, and reigned two years.
II Ding Ari II Kings 15:24	At depatan na ing marawak king panlalawe nang GUINU: e na kewanian ing kasalanan nang Jeroboam a anak nang Nebat, a peparapat nang meguing kasalanan ning Israel.	And he did that which was evil in the sight of the LORD: he departed not from the sins of Jeroboam the son of Nebat, who made Israel to sin.
II Ding Ari II Kings 15:25	At i Peka a anak nang Remalias, a keang capitan, dinapat yang bala salang kea, at sigatan ne king Samaria, king castillo ning bale ning ari, a kayabe la ri Argob at i Arye; at kayabe nala ding limangpulung lalaki a Gileaditas: at pete ne, at migari yang kalili na.	But Pekah the son of Remaliah, a captain of his, conspired against him, and smote him in Samaria, in the palace of the king's house, with Argob and Arieh, and with him fifty men of the Gileadites: and he killed him, and reigned in his room.
II Ding Ari II Kings 15:26	Ngeni ing aliwa karing dapat nang Pecaya, at ing anggang depatan na, oini, makasulat la king libru ra ding cronica ra ding ari ning Israel.	And the rest of the acts of Pekahiah, and all that he did, behold, they are written in the book of the chronicles of the kings of Israel.
II Ding Ari II Kings 15:27	King kalima nang pulu at aduang banuang Azarias a ari ning Juda migmula yang migari i Peka a anak nang Remalias king Israel karin king Samaria, at migari yang aduangpulung banua.	In the two and fiftieth year of Azariah king of Judah Pekah the son of Remaliah began to reign over Israel in Samaria, and reigned twenty years.
II Ding Ari II Kings 15:28	At depatan na ing marawak king panimanman nang GUINU: e na kewanian ing kasalanan nang Jeroboam a anak nang Nebat, a peparapat nang meguing kasalanan na ning Israel.	And he did that which was evil in the sight of the LORD: he departed not from the sins of Jeroboam the son of Nebat, who made Israel to sin.
II Ding Ari II Kings 15:29	Karing kayaldawan nang Peka a ari ning Israel miras ya karin i Tiglat-pileser a ari ning Asiria, at kinua na ing Ijon, at ing Abel-bet-maaca, at ing Janoa, at ing Cades, at ing Hazor, at ing Gilead, at ing Galilea, ing mabilug a labuad ning Naftali; at dela nong bijag king Asiria.	In the days of Pekah king of Israel came Tiglathpileser king of Assyria, and took Ijon, and Abelbethmaachah, and Janoah, and Kedesh, and Hazor, and Gilead, and Galilee, all the land of Naphtali, and carried them captive to Assyria.
II Ding Ari II Kings 15:30	At i Hoseas a anak nang Ela dinapat yang bala salang kang Peka a anak nang Remalias, at sigatan ne, at pete ne, at migari yang kalili na, king kadua nang pulung banuang Jotam a anak nang Uzias.	And Hoshea the son of Elah made a conspiracy against Pekah the son of Remaliah, and smote him, and slew him, and reigned in his stead, in the twentieth year of Jotham the son of Uzziah.
II Ding Ari II Kings 15:31	Ngeni ing aliwa karing dapat nang Peka, at ing anggang depatan na, oini, makasulat king libru ra ding cronica ra ding ari ning Israel.	And the rest of the acts of Pekah, and all that he did, behold, they are written in the book of the chronicles of the kings of Israel.
II Ding Ari II Kings 15:32	King kadua nang banuang Peka a anak nang Remalias a ari ning Israel migmula yang migari i Jotam a anak nang Uzias a ari ning Juda.	In the second year of Pekah the son of Remaliah king of Israel began Jotham the son of Uzziah king of Judah to reign.
II Ding Ari II Kings 15:33	Adua yang pulu at limang banua tua inyang migmula yang migari; at labi yang anam a banuang migari king Jerusalem: at ing laguiu nang indu na Jerusa a anak nang Sadoc.	Five and twenty years old was he when he began to reign, and he reigned sixteen years in Jerusalem. And his mother's name was Jerusha, the daughter of Zadok.
II Ding Ari II Kings 15:34	At depatan na ing matulid king panimanman nang GUINU; depatan na ing makayagpang king anggang depatan nang Uzias a ibpa na.	And he did that which was right in the sight of the LORD: he did according to all that his father Uzziah had done.
II Ding Ari II Kings 15:35	Makanian man e la milako ding mangatas a karinan: ing balayan dinaun pa mu rin at dinuluk labun karing mangatas a karinan. Pepatalakad ne ing pasbulan dalan a matas king bale nang GUINU.	Howbeit the high places were not removed: the people sacrificed and burned incense still in the high places. He built the higher gate of the house of the LORD.
II Ding Ari II Kings 15:36	Ngeni ing aliwa karing dapat nang Jotam, at ing anggang depatan na, e la wari makasulat king libru ra ding cronica ra ding ari ning Juda?	Now the rest of the acts of Jotham, and all that he did, are they not written in the book of the chronicles of the kings of Judah?
II Ding Ari II Kings 15:37	Karing aldo a deta pigmulan nang GUINU a itubud ne salang king Juda i Resin a ari ning Siria, at i Peka a anak nang Remalias.	In those days the LORD began to send against Judah Rezin the king of Syria, and Pekah the son of Remaliah.
II Ding Ari II Kings 15:38	At metudtud ya i Jotam a kayabe ra ding keang mangatua, at mikutkut yang kayabe ra ding keang mangatua king ciudad nang David a keang ibpa: at i Ahaz a anak na migari yang kalili na.	And Jotham slept with his fathers, and was buried with his fathers in the city of David his father: and Ahaz his son reigned in his stead.