II Ding Cronica        II Chronicles 29:1	I Hezequias migmula yang migari kanitang adua yang pulu at limang banua tua; at migari yang aduangpulu at siam a banua king Jerusalem: at ing laguiu na ning keang indu Abias, a anak nang Zacarias.	Hezekiah began to reign when he was five and twenty years old, and he reigned nine and twenty years in Jerusalem. And his mother's name was Abijah, the daughter of Zechariah.
II Ding Cronica II Chronicles 29:2	At depatan na ing matulid karing mata nang GUINU, agpang king anggang depatan nang David a keang matua.	And he did that which was right in the sight of the LORD, according to all that David his father had done.
II Ding Cronica II Chronicles 29:3	Ya king mumuna nang banua ning keang pamagari, king mumunang bulan, biklat nala ding pasbul na ning bale nang GUINU, at lerinan nala.	He in the first year of his reign, in the first month, opened the doors of the house of the LORD, and repaired them.
II Ding Cronica II Chronicles 29:4	At linub nala ding sacerdotes at ding Levitas, at tinipun nong makapamisan king maliwalas a karinan king aslagan,	And he brought in the priests and the Levites, and gathered them together into the east street,
II Ding Cronica II Chronicles 29:5	At sinabi na karela, Pakiramdaman yuku, ikong Levitas; ngeni magpakabanal kayu, at papagbanalan ye ing bale nang GUINU, ing Dios da ding kekong mangatua, at ilual yu ing karinatan king banal a karinan.	And said unto them, Hear me, ye Levites, sanctify now yourselves, and sanctify the house of the LORD God of your fathers, and carry forth the filthiness out of the holy place.
II Ding Cronica II Chronicles 29:6	Uling ding kekatang mangatua sinalangsang la, at depatan da ing marawak king panimanman nang GUINUNG kekatang Dios, at pepaimburisan de, at guinulut do ding karelang lupa manibat king panuknanganan nang GUINU, at pepainggulut la.	For our fathers have trespassed, and done that which was evil in the eyes of the LORD our God, and have forsaken him, and have turned away their faces from the habitation of the LORD, and turned their backs.
II Ding Cronica II Chronicles 29:7	Anti naman kebat dala ding pasbul na ning portico, at pete rala ding sulugui, at e la dinuluk labun ni e la minain karing ain a durulukan king banal a karinan king Dios ning Israel.	Also they have shut up the doors of the porch, and put out the lamps, and have not burned incense nor offered burnt offerings in the holy place unto the God of Israel.
II Ding Cronica II Chronicles 29:8	Inya pin ing pamikapali nang GUINU dimpa king Juda at Jerusalem, at binie nala barong piugse-ugse karin at keni, bang maguing metung lang makapagmulala, at metung a piatuan, anti mo ing akakit yu karing kekong mata.	Wherefore the wrath of the LORD was upon Judah and Jerusalem, and he hath delivered them to trouble, to astonishment, and to hissing, as ye see with your eyes.
II Ding Cronica II Chronicles 29:9	Uling, oini, ding kekatang mangatua miragsa la king pamamilatan na ning talibung, at ding kekatang anak a lalaki at ding kekatang anak a babai at ding kekatang asawa atilu king pangabijag king uli na niti.	For, lo, our fathers have fallen by the sword, and our sons and our daughters and our wives are in captivity for this.
II Ding Cronica II Chronicles 29:10	Ngeni atiu king kanakung pusu ing gawang pamakitipanan kang GUINU, a Dios ning Israel, bang ing keang mabagsik a mua mako kekatamu.	Now it is in mine heart to make a covenant with the LORD God of Israel, that his fierce wrath may turn away from us.
II Ding Cronica II Chronicles 29:11	Anak kung lalaki, e ko maguing mapagpabusta ngeni; uling pinili nakong GUINU bang talakad king arapan na, bang manibala kea, at bang maguing talapanibala nakayu, at duluk king labun.	My sons, be not now negligent: for the LORD hath chosen you to stand before him, to serve him, and that ye should minister unto him, and burn incense.
II Ding Cronica II Chronicles 29:12	Kanita tinalakad la ding Levitas, i Mahat, a anak nang Amasai, at i Joel a anak nang Azarias, a karing anak da ding Coatitas; at karing anak nang Merari, i Cis a anak nang Abdi, at i Azarias a anak nang Jehallelel; at karing Gersonitas, i Joa a anak nang Zima, at i Eden a anak nang Joa;	Then the Levites arose, Mahath the son of Amasai, and Joel the son of Azariah, of the sons of the Kohathites: and of the sons of Merari, Kish the son of Abdi, and Azariah the son of Jehalelel: and of the Gershonites; Joah the son of Zimmah, and Eden the son of Joah:
II Ding Cronica II Chronicles 29:13	At karing anak nang Elizafan, i Simri at i Jeuel; at karing anak nang Asaf, i Zacarias at i Matanias;	And of the sons of Elizaphan; Shimri, and Jeiel: and of the sons of Asaph; Zechariah, and Mattaniah:
II Ding Cronica II Chronicles 29:14	At karing anak nang Heman, i Jehuel at i Simei; at karing anak nang Jedutun, i Semaya at i Uziel.	And of the sons of Heman; Jehiel, and Shimei: and of the sons of Jeduthun; Shemaiah, and Uzziel.
II Ding Cronica II Chronicles 29:15	At tinipun dala ding karelang kapatad, at pepapagbanalan do ding sarili ra, at pesilub la, agpang king utus na ning ari king pamamilatan na ning amanu nang GUINU, bayang linisan ing bale nang GUINU.	And they gathered their brethren, and sanctified themselves, and came, according to the commandment of the king, by the words of the LORD, to cleanse the house of the LORD.
II Ding Cronica II Chronicles 29:16	At ding sacerdotes linub la king kakilubkiluban na ning bale nang GUINU, bareng linisan iti, at liwal da ing anggang dinat a ikit da king templo nang GUINU king patio na ning bale nang GUINU. At kinua ra iti ding Levitas, barang ilual dalan king batis ning Cedron.	And the priests went into the inner part of the house of the LORD, to cleanse it, and brought out all the uncleanness that they found in the temple of the LORD into the court of the house of the LORD. And the Levites took it, to carry it out abroad into the brook Kidron.
II Ding Cronica II Chronicles 29:17	Ngeni migmula la king mumunang aldo ning mumunang bulan king pamagpakabanal, at king kawalung aldo na ning bulan dinatang la king portico nang GUINU; at pepapagbanalan de ing bale nang GUINU king walung aldo: at king kalabing anam a aldo ning mumunang bulan inari ra.	Now they began on the first day of the first month to sanctify, and on the eighth day of the month came they to the porch of the LORD: so they sanctified the house of the LORD in eight days; and in the sixteenth day of the first month they made an end.
II Ding Cronica II Chronicles 29:18	Kanita linub la king aring Hezequias kilub ning palacio, at sinabi ra, Lininis miya ing mabilug a bale nang GUINU, at ing altar king ain a durulukan, pati na ding anggang kasangkapan na niti, at ing dulang ning tinape a ain, pati na ding anggang kasangkapan na niti.	Then they went in to Hezekiah the king, and said, We have cleansed all the house of the LORD, and the altar of burnt offering, with all the vessels thereof, and the shewbread table, with all the vessels thereof.
II Ding Cronica II Chronicles 29:19	Bukud kaniti ding anggang kasangkapan, a inugse na ning aring Ahaz king keang pamagari inyang sinalangsang ya, sidia mila at pepagbanalan; at, oini, atilu king arapan na ning altar nang GUINU.	Moreover all the vessels, which king Ahaz in his reign did cast away in his transgression, have we prepared and sanctified, and, behold, they are before the altar of the LORD.
II Ding Cronica II Chronicles 29:20	Kanita ing aring Hezequias mibangun yang maranun, at tinipun nala ding principes ning ciudad, at sinampa ya king bale nang GUINU.	Then Hezekiah the king rose early, and gathered the rulers of the city, and went up to the house of the LORD.
II Ding Cronica II Chronicles 29:21	At migdala lang pitung vaca, at pitung tupa, at pitung cordero, at pitung kambing a lalaki, dikil king ain king kasalanan tungkul king kayarian at tungkul king santuario at tungkul king Juda. At inutus no ding sacerdotes a anak nang Aaron bang yain dala king altar nang GUINU.	And they brought seven bullocks, and seven rams, and seven lambs, and seven he goats, for a sin offering for the kingdom, and for the sanctuary, and for Judah. And he commanded the priests the sons of Aaron to offer them on the altar of the LORD.
II Ding Cronica II Chronicles 29:22	Inya pete rala ding vaca, at ding sacerdotes tinggap da ing daya, at pemisik da king babo ning altar: at pete rala ding tupa, at pemisik da ing daya king babo ning altar: pete rala naman ding cordero, at pemisik da ing daya king babo ning altar.	So they killed the bullocks, and the priests received the blood, and sprinkled it on the altar: likewise, when they had killed the rams, they sprinkled the blood upon the altar: they killed also the lambs, and they sprinkled the blood upon the altar.
II Ding Cronica II Chronicles 29:23	At linapit dala ding kambing a lalaki dikil king ain king kasalanan king arapan na ning ari at ning kapulungan; at timpak do ding karelang gamat kareti:	And they brought forth the he goats for the sin offering before the king and the congregation; and they laid their hands upon them:
II Ding Cronica II Chronicles 29:24	At pete ro deti ding sacerdotes, at guinawa lang metung a ain king kasalanan king pamamilatan na ning karelang daya king babo ning altar, bang dapat pamisut king mabilug a Israel; uling inutus na ning ari king ing ain a durulukan at ing ain king kasalanan sukat lang marapat king uli ning mabilug a Israel.	And the priests killed them, and they made reconciliation with their blood upon the altar, to make an atonement for all Israel: for the king commanded that the burnt offering and the sin offering should be made for all Israel.
II Ding Cronica II Chronicles 29:25	At binili nala ding Levitas king bale nang GUINU a atin lang cimbalo, atin lang salterio, at atin lang alpa, agpang king utus nang David, at i Gad a talapanakit na ning ari, at i Natan a manula; uling iti utus nang GUINU king pamamilatan da ding keang manula.	And he set the Levites in the house of the LORD with cymbals, with psalteries, and with harps, according to the commandment of David, and of Gad the king's seer, and Nathan the prophet: for so was the commandment of the LORD by his prophets.
II Ding Cronica II Chronicles 29:26	At ding Levitas tinalakad la a tatalan karing instrumentos nang David, at ding sacerdotes tatalan lang pakakak.	And the Levites stood with the instruments of David, and the priests with the trumpets.
II Ding Cronica II Chronicles 29:27	At inutus nang Hezequias ing miain ain a durulukan king babo na ning altar. At inyang migmula ing ain a durulukan, ing dalit kang GUINU migmula na naman, at ding pakakak, kambe ro ding instrumentos nang David a ari ning Israel.	And Hezekiah commanded to offer the burnt offering upon the altar. And when the burnt offering began, the song of the LORD began also with the trumpets, and with the instruments ordained by David king of Israel.
II Ding Cronica II Chronicles 29:28	At ing mabilug a kapulungan sinamba, at ding taladalit dinalit la, at ding ating pakakak tinitig la; at iti sindu ra angga king ing ain a durulukan meari.	And all the congregation worshipped, and the singers sang, and the trumpeters sounded: and all this continued until the burnt offering was finished.
II Ding Cronica II Chronicles 29:29	At inyang meari nong minain, ing ari at ding anggang makarap a kayabe na dinuku la at sinamba.	And when they had made an end of offering, the king and all that were present with him bowed themselves, and worshipped.
II Ding Cronica II Chronicles 29:30	Bukud kaniti ing aring Hezequias at ding principes inutus da karing Levitas a dalit kapurian kang GUINU king pamamilatan da ding amanu nang David, at i Asaf a talapanakit. At dinalit lang pamamuri, a kambe ning saya, at diku ro ding buntuk da at sinamba la.	Moreover Hezekiah the king and the princes commanded the Levites to sing praise unto the LORD with the words of David, and of Asaph the seer. And they sang praises with gladness, and they bowed their heads and worshipped.
II Ding Cronica II Chronicles 29:31	Kanita mekibat ya i Hezequias at ngana, Ngeni telaga yo ding sarili yu kang GUINU; lumapit kayu at magdala kong daun at ain a kapasalamatan king bale nang GUINU. At ing kapulungan migdalang daun at ain a kapasalamatan; at nung pilan at pilan la ding maki lub a kusa migdala lang ain a durulukan.	Then Hezekiah answered and said, Now ye have consecrated yourselves unto the LORD, come near and bring sacrifices and thank offerings into the house of the LORD. And the congregation brought in sacrifices and thank offerings; and as many as were of a free heart burnt offerings.
II Ding Cronica II Chronicles 29:32	At ing bilang da ding ain a durulukan a dela na ning kapulungan pitu lang pulung vaca, dinalan a tupa, at aduang dalan a cordero: deti ngan dikil la king ain a durulukan kang GUINU.	And the number of the burnt offerings, which the congregation brought, was threescore and ten bullocks, an hundred rams, and two hundred lambs: all these were for a burnt offering to the LORD.
II Ding Cronica II Chronicles 29:33	At ding mitalagang bague anam lang dalan a vaca at atlung libung tupa.	And the consecrated things were six hundred oxen and three thousand sheep.
II Ding Cronica II Chronicles 29:34	Dapot ding sacerdotes milalu la karitak, nanupata e ro ngan akatat ding anggang ain a durulukan: inya seupan dala ding karelang kapatad a Levitas, angga king meari ing daraptan, at angga king pepapagbanalan da ing sarili ra ding sacerdotes; uling ding Levitas matulid la pusu a migpakabanal a maiguit karing sacerdotes.	But the priests were too few, so that they could not flay all the burnt offerings: wherefore their brethren the Levites did help them, till the work was ended, and until the other priests had sanctified themselves: for the Levites were more upright in heart to sanctify themselves than the priests.
II Ding Cronica II Chronicles 29:35	At anti naman ding ain a durulukan bina lang dakal, pati na ing taba ra ding ain king kapayapan, at pati na ding ain a inuman dikil king balang ain a durulukan. Makanian mibili king ayus ing kasuyuwan king bale nang GUINU.	And also the burnt offerings were in abundance, with the fat of the peace offerings, and the drink offerings for every burnt offering. So the service of the house of the LORD was set in order.
II Ding Cronica II Chronicles 29:36	At i Hezequias metula ya, at ing mabilug a balayan, king uli ning sidia na ning Dios dikil king balayan: uling iting bague merapat bigla.	And Hezekiah rejoiced, and all the people, that God had prepared the people: for the thing was done suddenly.