DingBilang Numbers 36:1	At ding pekabuntuk da ding bale ra ding mangatua ning sapni ra ding anak nang Gilead, a anak nang Maquir, a anak nang Manases, karing sapni ra ding anak nang Jose, linapit la, at miniabi la king arapan nang Moises, at king arapan da ding principes, ding pekabuntuk karing bale ra ding mangatua ra ding anak na ning Israel:	And the chief fathers of the families of the children of Gilead, the son of Machir, the son of Manasseh, of the families of the sons of Joseph, came near, and spake before Moses, and before the princes, the chief fathers of the children of Israel:
Ding Bilang Numbers 36:2	At sinabi ra, I GUINU inutus na king kakung guinu a ibie na ing labuad a pekamana king pamamilatan na ning pamipaningalma karing anak na ning Israel: at ing guinu ku inutusan neng GUINU a ibie na ing mana nang Salfaad a kekeng kapatad karing anak nang babai.	And they said, The LORD commanded my lord to give the land for an inheritance by lot to the children of Israel: and my lord was commanded by the LORD to give the inheritance of Zelophehad our brother unto his daughters.
Ding Bilang Numbers 36:3	At nung talasawa la king kenuman karing lalaki karing aliwang dai ra ding anak na ning Israel, kanita ing karelang mana milako king mana ra ding kekeng mangatua, at midagdag king mana na ning dai a nung kaisanu la makayabe: makanian milako manibat king kalma ning kekeng mana.	And if they be married to any of the sons of the other tribes of the children of Israel, then shall their inheritance be taken from the inheritance of our fathers, and shall be put to the inheritance of the tribe whereunto they are received: so shall it be taken from the lot of our inheritance.
Ding Bilang Numbers 36:4	At ngening ing jubileo ra ding anak na ning Israel marapat, kanita ing karelang mana midagdag king mana na ning dai a nung kaisanu la makayabe: makanian milako ing karelang mana manibat king mana na ning dai ra ding kekeng mangatua.	And when the jubile of the children of Israel shall be, then shall their inheritance be put unto the inheritance of the tribe whereunto they are received: so shall their inheritance be taken away from the inheritance of the tribe of our fathers.
Ding Bilang Numbers 36:5	At i Moises inutus no ding anak na ning Israel agpang king amanu nang Guinu, ngana, Ing dai ra ding anak nang Jose maniabi lang matulid.	And Moses commanded the children of Israel according to the word of the LORD, saying, The tribe of the sons of Joseph hath said well.
Ding Bilang Numbers 36:6	Iti ya ing bague a yutus nang Guinu tungkul karing anak nang babaing Salfaad, ngana, Pabustan lang makiasawa kaninu mang pamayapan da; bukud mung king sapni na ning dai na ning karelang ibpa karin la mamakiasawa.	This is the thing which the LORD doth command concerning the daughters of Zelophehad, saying, Let them marry to whom they think best; only to the family of the tribe of their father shall they marry.
Ding Bilang Numbers 36:7	Bang keta alang mana karing anak na ning Israel a maglipat-lipat karing dai; uling ding anak na ning Israel manatili la ing balang metung king mana na ning dai ra ding keang mangatua.	So shall not the inheritance of the children of Israel remove from tribe to tribe: for every one of the children of Israel shall keep himself to the inheritance of the tribe of his fathers.
Ding Bilang Numbers 36:8	At ing balang anak a babai, a mimingat mana king kaisanumang dai ra ding anak na ning Israel, malyari neng ayasawa ning metung karing sapni ning dai na ning keang ibpa, bang ding anak na ning Israel abandi na ning balang katau ing mana ra ding keang mangatua.	And every daughter, that possesseth an inheritance in any tribe of the children of Israel, shall be wife unto one of the family of the tribe of her father, that the children of Israel may enjoy every man the inheritance of his fathers.
Ding Bilang Numbers 36:9	Bang alang mana a milipat-lipat karing dai; uling ding dai ra ding anak na ning Israel manatili ya ing balang katau king sarili nang mana.	Neither shall the inheritance remove from one tribe to another tribe; but every one of the tribes of the children of Israel shall keep himself to his own inheritance.
Ding Bilang Numbers 36:10	Nung makananu pin ing inutus nang GUINU kang Moises, makanian ing depatan da ding anak nang Salfaad:	Even as the LORD commanded Moses, so did the daughters of Zelophehad:
Ding Bilang Numbers 36:11	Uling i Maala, i Tirza, at i Hogla, at i Milca, at i Noa, ding anak nang babaing Salfaad, mekiasawa la karing anak da ding kapatad nang ibpa ra.	For Mahlah, Tirzah, and Hoglah, and Milcah, and Noah, the daughters of Zelophehad, were married unto their father's brothers' sons:
Ding Bilang Numbers 36:12	Mekiasawa la karing sapni ra ding anak nang Manases a anak nang nang Jose; at ing karelang mana menatili king dai na ning sapni na ning karelang ibpa.	And they were married into the families of the sons of Manasseh the son of Joseph, and their inheritance remained in the tribe of the family of their father.
Ding Bilang Numbers 36:13	Deti ila ding utus at ding tuntunan a inutus nang GUINU king pamamilatan nang Moises karing anak na ning Israel karing kapatagan ning Moab, king siping ning Jordan king Jerico.	These are the commandments and the judgments, which the LORD commanded by the hand of Moses unto the children of Israel in the plains of Moab by Jordan near Jericho.