DingBilangNumbers 27:1	Kanita pesilapit la ding anak nang babaing Salfaad, a anak nang lalaking Hefer, a anak nang Gilead, a anak nang Manases, karing sapni nang Manases a anak nang Jose; at deti ila ding laguiu ra ding anak nang babai: i Mala, i Noa, at i Hogla, at i Milca, at i Tirza.	Then came the daughters of Zelophehad, the son of Hepher, the son of Gilead, the son of Machir, the son of Manasseh, of the families of Manasseh the son of Joseph: and these are the names of his daughters; Mahlah, Noah, and Hoglah, and Milcah, and Tirzah.
Ding Bilang Numbers 27:2	At tinalakad la king arapan nang Moises, at king arapan nang Eliazar a sacerdote, at king arapan da ding principes at ning mabilug a kapamisanan, king pasbul na ning tabernaculo ning pamitipun, ngara,	And they stood before Moses, and before Eleazar the priest, and before the princes and all the congregation, by the door of the tabernacle of the congregation, saying,
Ding Bilang Numbers 27:3	Ing kekatang ibpa mete ya king ilang, at e ya makakayabe king tapuk da detang mitipun makapamisan laban kang GUINU king tapuk nang Core: nung e mete ya king sarili nang kasalanan; at ala yang anak a lalaki.	Our father died in the wilderness, and he was not in the company of them that gathered themselves together against the LORD in the company of Korah; but died in his own sin, and had no sons.
Ding Bilang Numbers 27:4	Baket ing laguiu na ning kekatang ibpa mikawani ya king keang sapni, uli mong ala yang anak a lalake? Dinan yukeng metung a pibandian king libutad da ding kapatad na ning kekeng ibpa.	Why should the name of our father be done away from among his family, because he hath no son? Give unto us therefore a possession among the brethren of our father.
Ding Bilang Numbers 27:5	At i Moises dela na ing karelang pisasabian king arapan nang GUINU.	And Moses brought their cause before the LORD.
Ding Bilang Numbers 27:6	At i GUINU miniabi ya kang Moises, ngana,	And the LORD spake unto Moses, saying,
Ding Bilang Numbers 27:7	Ding anak nang babaing Salfaad miniabi lang katuliran: dinan mo ping metung a pibandian a pekamana king libutad da ding kapatad nang ibpa ra; at ilipat mu ing mana na ning karelang ibpa karela.	The daughters of Zelophehad speak right: thou shalt surely give them a possession of an inheritance among their father's brethren; and thou shalt cause the inheritance of their father to pass unto them.
Ding Bilang Numbers 27:8	At sabian mu karing anak na ning Israel, ngamu, Nung ing metung a tau mate ya, at ala yang anak a lalaki, kanita ilipat yu ing keang mana king anak nang babai.	And thou shalt speak unto the children of Israel, saying, If a man die, and have no son, then ye shall cause his inheritance to pass unto his daughter.
Ding Bilang Numbers 27:9	At nung ala yang anak a babai, kanita ibie yu ing keang mana karing keang kapatad.	And if he have no daughter, then ye shall give his inheritance unto his brethren.
Ding Bilang Numbers 27:10	At nung ala yang kapatad, kanita ibie yu ing keang mana karing kapatad nang tata na.	And if he have no brethren, then ye shall give his inheritance unto his father's brethren.
Ding Bilang Numbers 27:11	At nung ing keang ibpa ala yang kapatad, kanita ibie yu ing keang mana king keang kamaganak a malapit kea karing keang sapni, at bandian na iti: at karing anak na ning Israel maguing metung a tuntunan at utus, anti mo ing inutus nang GUINU kang Moises.	And if his father have no brethren, then ye shall give his inheritance unto his kinsman that is next to him of his family, and he shall possess it: and it shall be unto the children of Israel a statute of judgment, as the LORD commanded Moses.
Ding Bilang Numbers 27:12	At i GUINU sinabi na kang Moises, Mukiat ka kaniting bunduk na ning Abarim, at lawan mu ing labuad a binie ku karing anak na ning Israel.	And the LORD said unto Moses, Get thee up into this mount Abarim, and see the land which I have given unto the children of Israel.
Ding Bilang Numbers 27:13	At pamanakit mu kaniti, ika man miagum ka king kekang balayan, anti mo ing pangaagum nang Aaron a kekang kapatad;	And when thou hast seen it, thou also shalt be gathered unto thy people, as Aaron thy brother was gathered.
Ding Bilang Numbers 27:14	Uling sinalangsang kayu laban king kakung amanu king ilang ning Zin, king pamakitua ning kapamisanan, bang migalangan ku king arapan ning karelang panimanman king danum. (Iti ya ing danum ning Meriba king Cades king ilang ning Zin).	For ye rebelled against my commandment in the desert of Zin, in the strife of the congregation, to sanctify me at the water before their eyes: that is the water of Meribah in Kadesh in the wilderness of Zin.
Ding Bilang Numbers 27:15	At i Moises miniabi ya kang GUINU, ngana,	And Moses spake unto the LORD, saying,
Ding Bilang Numbers 27:16	Pabustan ya i GUINU, ing Dios da ding espiritu ning anggang laman, a malal metung a lalaking mamajala king kapamisanan,	Let the LORD, the God of the spirits of all flesh, set a man over the congregation,
Ding Bilang Numbers 27:17	A lual manimuna karela, at lungub manimuna karela, at milual karela, at milub karela; bang ing kapamisanan nang GUINU e maguing anting tupa a alang pastul.	Which may go out before them, and which may go in before them, and which may lead them out, and which may bring them in; that the congregation of the LORD be not as sheep which have no shepherd.
Ding Bilang Numbers 27:18	At i GUINU sinabi na kang Moises, Kuanan me i Josue a anak nang Nun, a metung a lalaking kakasian na ning Espiritu, at itumpak me ing gamat mu kea;	And the LORD said unto Moses, Take thee Joshua the son of Nun, a man in whom is the spirit, and lay thine hand upon him;
Ding Bilang Numbers 27:19	At yarap me king arapan nang Eliazar a sacerdote, at king arapan ning mabilug a kapamisanan; at dinan meng kapanabilinan king karelang lalawan.	And set him before Eleazar the priest, and before all the congregation; and give him a charge in their sight.
Ding Bilang Numbers 27:20	At itumpak mu ing kekang kapurian kea, bang ing mabilug a kapamisanan ding anak na ning Israel mamintu.	And thou shalt put some of thine honour upon him, that all the congregation of the children of Israel may be obedient.
Ding Bilang Numbers 27:21	At talakad ya king arapan nang Eliazar a sacerdote, a ya ing manusisa dikil kea king pamamilatan na ning kayatulan ning Urim king arapan nang GUINU king keang amanu lual la, at king keang amanu lungub la, ya, at ding anggang anak na ning Israel a kayabe na, ing mabilug ping kapamisanan.	And he shall stand before Eleazar the priest, who shall ask counsel for him after the judgment of Urim before the LORD: at his word shall they go out, and at his word they shall come in, both he, and all the children of Israel with him, even all the congregation.
Ding Bilang Numbers 27:22	At i Moises depatan na ing anti mo ing inutus nang GUINU kea; at kinua ne i Josue, at binili ne king arapan nang Eliazar a sacerdote, at king arapan na ning mabilug a kapamisanan:	And Moses did as the LORD commanded him: and he took Joshua, and set him before Eleazar the priest, and before all the congregation:
Ding Bilang Numbers 27:23	At timpak no ding gamat na kea, at dininan neng kapanabilinan, anti mo ing sinabi nang GUINU kang Moises.	And he laid his hands upon him, and gave him a charge, as the LORD commanded by the hand of Moses.