Levitico Leviticus 15:1	At i GUINU miniabi ya kang Moises at kang Aaron, ngana,	And the LORD spake unto Moses and to Aaron, saying,
Levitico Leviticus 15:2	Maniabi kayu karing anak ning Israel, at igkas yu karela, Ngening ing ninu mang tau atin yang kayagasan king keang laman, king uli ning pangayagas na marinat ya.	Speak unto the children of Israel, and say unto them, When any man hath a running issue out of his flesh, because of his issue he is unclean.
Levitico Leviticus 15:3	At iti ya ing karinatan nang manibatan king pangayagas na: maguing ing laman na yang sasayu a kagum ning pangayagas na, o misara ya laman king uli ning pangayagas na, iti ya ing keang karinatan.	And this shall be his uncleanness in his issue: whether his flesh run with his issue, or his flesh be stopped from his issue, it is his uncleanness.
Levitico Leviticus 15:4	Ing balang pagkeran nung nu ya kumera ing kayayagasan, maguing marinat ya; at ing balang kasangkapan a nung nu ya magluklukan maguing marinat ya.	Every bed, whereon he lieth that hath the issue, is unclean: and every thing, whereon he sitteth, shall be unclean.
Levitico Leviticus 15:5	At ing ninu mang tagkil king pagkeran na pipian na ing imalan na, at mandilu ya king danum, at maguing marinat ya pin anggang gatpanapun.	And whosoever toucheth his bed shall wash his clothes, and bathe himself in water, and be unclean until the even.
Levitico Leviticus 15:6	At ing lukluk king luklukan a nung nu ya linukluk ing kayayagasan pipian na ing imalan na, at diluan na ing sarili na king danum, at maguing marinat ya anggang gatpanapun.	And he that sitteth on any thing whereon he sat that hath the issue shall wash his clothes, and bathe himself in water, and be unclean until the even.
Levitico Leviticus 15:7	At itang tagkil king laman na ning kayayagasan pipian na ing imalan na, at mandilu ya king danum, at maguing marinat ya anggang gatpanapun.	And he that toucheth the flesh of him that hath the issue shall wash his clothes, and bathe himself in water, and be unclean until the even.
Levitico Leviticus 15:8	At nung ing kayayagasan aluran ne ing taung malinis, kanita pipian na ing keang imalan, at mandilu ya king danum, at maguing marinat ya anggang gatpanapun.	And if he that hath the issue spit upon him that is clean; then he shall wash his clothes, and bathe himself in water, and be unclean until the even.
Levitico Leviticus 15:9	At isanumang siang luklukan na ning kayayagasan maguing marinat ya.	And what saddle soever he rideth upon that hath the issue shall be unclean.
Levitico Leviticus 15:10	At ing ninumang makatagkit king nanumang bague a atiu lalam na maguing marinat ya anggang gatpanapun: at itang magdala karetang bague pipian na ing imalan na, at mandilu ya king danum, at maguing marinat ya anggang gatpanapun.	And whosoever toucheth any thing that was under him shall be unclean until the even: and he that beareth any of those things shall wash his clothes, and bathe himself in water, and be unclean until the even.
Levitico Leviticus 15:11	At ing ninumang atagkilan na ning kayayagasan, a e mekapanuas gamat king danum, ya pipian na ing imalan na, at mandilu ya king danum, at maguing marinat ya anggang gatpanapun.	And whomsoever he toucheth that hath the issue, and hath not rinsed his hands in water, he shall wash his clothes, and bathe himself in water, and be unclean until the even.
Levitico Leviticus 15:12	At ing kasangkapan a gabun, a atagkilan na ning kayayagasan, balbalan ya; at ing balang kasangkapan a dutung wasan yang mayap king danum.	And the vessel of earth, that he toucheth which hath the issue, shall be broken: and every vessel of wood shall be rinsed in water.
Levitico Leviticus 15:13	At ngening ing kayayagasan luminis ya king agas na, kanita milang ya pamung pitung aldo king pangalinis na, at pipian na ing imalan na; at wasan na ing laman na king danum a mamagus, at luminis ya.	And when he that hath an issue is cleansed of his issue; then he shall number to himself seven days for his cleansing, and wash his clothes, and bathe his flesh in running water, and shall be clean.
Levitico Leviticus 15:14	At king kawalung aldo kuma yang aduang batu-batu, o aduang malutub patipati, at dumurup ya king arapan nang GUINU king pasbul ning tabernaculo ning pamitipun, at ibie no king sacerdote:	And on the eighth day he shall take to him two turtledoves, or two young pigeons, and come before the LORD unto the door of the tabernacle of the congregation, and give them unto the priest:
Levitico Leviticus 15:15	At ing sacerdote yain nala, ing metung dikil king ain king kasalanan, at ing aliwa dikil king ain a durulukan; at ing sacerdote dapat yang pamisut dikil kea king arapan nang GUINU king uli ning pangayagas na.	And the priest shall offer them, the one for a sin offering, and the other for a burnt offering; and the priest shall make an atonement for him before the LORD for his issue.
Levitico Leviticus 15:16	At nung lual king tau ing keang bini ning ketawan, kanita diluan na king danum ing mabilug nang laman, at maguing marinat ya anggang gatpanapun.	And if any man's seed of copulation go out from him, then he shall wash all his flesh in water, and be unclean until the even.
Levitico Leviticus 15:17	At ing balang imalan, at ing balang balat, a mirinan king linual a bini ning ketawan, pipian king danum, at maguing marinat anggang gatpanapun.	And every garment, and every skin, whereon is the seed of copulation, shall be washed with water, and be unclean until the even.
Levitico Leviticus 15:18	Ing babai mang asipingan na ning lalaking maki bini ning ketawan ilang adua mandilu la king danum, at maguing marinat la anggang gatpanapun.	The woman also with whom man shall lie with seed of copulation, they shall both bathe themselves in water, and be unclean until the even.
Levitico Leviticus 15:19	At nung ing babai daratang ya panaun, at ing pamamanaun na king keang laman daya, atiu king e na kalinisan pitung aldo: at ing ninumang tagkil kea maguing marinat ya anggang gatpanapun.	And if a woman have an issue, and her issue in her flesh be blood, she shall be put apart seven days: and whosoever toucheth her shall be unclean until the even.
Levitico Leviticus 15:20	At balang apagkeran na lub ning panaun a e na kalinisan maguing marinat: ing balang aluklukan na naman maguing marinat.	And every thing that she lieth upon in her separation shall be unclean: every thing also that she sitteth upon shall be unclean.
Levitico Leviticus 15:21	At ninuman ing makatagkil king pagkeran na pipian na ing imalan na, at mandilu ya king danum, at maguing marinat ya anggang gatpanapun.	And whosoever toucheth her bed shall wash his clothes, and bathe himself in water, and be unclean until the even.
Levitico Leviticus 15:22	At ninumang makatagkil king kaisanu pa mang bague a aluklukan na pipian na ing imalan na, at mandilu ya king danum, at maguing marinat ya anggang gatpanapun.	And whosoever toucheth any thing that she sat upon shall wash his clothes, and bathe himself in water, and be unclean until the even.
Levitico Leviticus 15:23	At nung iti atiu king babo pagkeran, o king babo ning nanumang bague a aluklukan na, ngening tagkilan ne iti, maguing marinat ya anggang gatpanapun.	And if it be on her bed, or on any thing whereon she sitteth, when he toucheth it, he shall be unclean until the even.
Levitico Leviticus 15:24	At nung ing ninumang lalaki sumiping ya kea, at ing e na kalinisan mibili kea, maguing marinat ya pitung aldo; at ing balang pagkeran a nung nu ya magkera maguing marinat ya.	And if any man lie with her at all, and her flowers be upon him, he shall be unclean seven days; and all the bed whereon he lieth shall be unclean.
Levitico Leviticus 15:25	At nung ing metung a babai kayagasan yang daya lub ning dakal a aldo a e king panaun a panyatang na ugali, o ngening kayagasan yang labis king panaun ning keang kaugalian; karing sablang aldo ning agas ning keang e kalinisan maguing anti ya karing aldo ning keang pamamanaun: marinat ya pin.	And if a woman have an issue of her blood many days out of the time of her separation, or if it run beyond the time of her separation; all the days of the issue of her uncleanness shall be as the days of her separation: she shall be unclean.
Levitico Leviticus 15:26	Ing balang pagkeran a nung ya kumera karing sablang aldo a kayayagasan ya, maguing anti ya king pagkeran na ngening mamanaun ya: at ing balang bague a nung nu ya lukluk maguing marinat ya, anti mo ing e na kalinisan king paniatang na ugali.	Every bed whereon she lieth all the days of her issue shall be unto her as the bed of her separation: and whatsoever she sitteth upon shall be unclean, as the uncleanness of her separation.
Levitico Leviticus 15:27	At ing ninumang tagkil karetang bague maguing marinat ya, at pipian na ing imalan na, at mandilu ya king danum, at maguing marinat ya anggang gatpanapun.	And whosoever toucheth those things shall be unclean, and shall wash his clothes, and bathe himself in water, and be unclean until the even.
Levitico Leviticus 15:28	Dapot nung luminis ne king pangayagas na, kanita milang yang pitung aldo, at kalabas na nita maguing malinis ne.	But if she be cleansed of her issue, then she shall number to herself seven days, and after that she shall be clean.
Levitico Leviticus 15:29	At king kawalung aldo kuma yang aduang batu-batu, o aduang malutub pati-pati, at idala no king sacerdote, king pasbul na ning tabernaculo ning pamitipun.	And on the eighth day she shall take unto her two turtles, or two young pigeons, and bring them unto the priest, to the door of the tabernacle of the congregation.
Levitico Leviticus 15:30	At ing sacerdote yain ne ing metung dikil king ain king kasalanan, at ing aliwa dikil king ain a durulukan; at ing sacerdote dapat yang pamisut dikil kea king arapan nang GUINU pauli ning pangayagas na ning keang e kalinisan.	And the priest shall offer the one for a sin offering, and the other for a burnt offering; and the priest shall make an atonement for her before the LORD for the issue of her uncleanness.
Levitico Leviticus 15:31	Makanian yong ikawani ding anak ning Israel manibat king karelang karinatan, king balang e mangamate king karinatan da, ngening mumusingan de ing kanakung tabernaculo a makalibutad karela.	Thus shall ye separate the children of Israel from their uncleanness; that they die not in their uncleanness, when they defile my tabernacle that is among them.
Levitico Leviticus 15:32	Iti ya ing kautusan a makarikil king kayayagasan, at kanitang kalulualan bini ning ketawan, inya sa marinat ya kaniti;	This is the law of him that hath an issue, and of him whose seed goeth from him, and is defiled therewith;
Levitico Leviticus 15:33	At king babaing masakit king keang panugali, at king lalaking maki agas, king lalaki, at king babai, at ketang sumiping king babaing marinat.	And of her that is sick of her flowers, and of him that hath an issue, of the man, and of the woman, and of him that lieth with her that is unclean.