Levitico Leviticus 11:1 At i GUINU miniabi ya kang Moises at kang Aaron, ngana karela, And the LORD spake unto Moses and to Aaron, saying unto them,
Levitico Leviticus 11:2 Sabian yu karing anak ning Israel, ngayu, deti ilang mabie bague a malyari yung kanan karing sablang animal a atiu king babo ning labuad. Speak unto the children of Israel, saying, These are the beasts which ye shall eat among all the beasts that are on the earth.
Levitico Leviticus 11:3 Insamang sagsag a kuku, at mibabangal tidua king bitis, at maglati karing animal, ita malyari yeng kanan. Whatsoever parteth the hoof, and is clovenfooted, and cheweth the cud, among the beasts, that shall ye eat.
Levitico Leviticus 11:4 Makanian man karing maglating deti e ko makapangan, o karetang sagsag a kuku: ing camello, bista man maglati ya, dapot a ya sagsag a kuku iti e ya malinis kekayu. Nevertheless these shall ye not eat of them that chew the cud, or of them that divide the hoof: as the camel, because he cheweth the cud, but divideth not the hoof; he is unclean unto you.
Levitico Leviticus 11:5 At ing conejo, aguiang maglati ya, dapot e sagsag a kuku, e ya malinis kekayu. And the coney, because he cheweth the cud, but divideth not the hoof; he is unclean unto you.
Levitico Leviticus 11:6 At ing liebre, aguiang maglati ya, dapot e sagsag a kuku, e ya malinis kekayu. And the hare, because he cheweth the cud, but divideth not the hoof; he is unclean unto you.
Levitico Leviticus 11:7 At ing babi, aguiang sagsag ya kuku, at mibabangal adua, dapot e ya maglati, e ya malinis kekayu. And the swine, though he divide the hoof, and be clovenfooted, yet he cheweth not the cud; he is unclean to you.
Levitico Leviticus 11:8 King laman da deta e ko mamangan, at ding bangke ra e yo tatagkilan; e la malinis kekayu. Of their flesh shall ye not eat, and their carcase shall ye not touch; they are unclean to you.
Levitico Leviticus 11:9 Deti malyari yong kanan karing anggang atiu king danuman: ing isanumang maki palikpik at kaliskis karing danuman, karing dayatmalat, at karing kailugan, ita malyari yeng kanan. These shall ye eat of all that are in the waters: whatsoever hath fins and scales in the waters, in the seas, and in the rivers, them shall ye eat.
Levitico Leviticus 11:10 At detang anggang alang palikpik at kaliskis karing dayatmalat at karing kailugan, karing sablang kikimut karing danuman, at karing sablang mabibie melalang a atiu karing danuman, deti makasuklam la kekayu. And all that have not fins and scales in the seas, and in the rivers, of all that move in the waters, and of any living thing which is in the waters, they shall be an abomination unto you:
Levitico Leviticus 11:11 At maguing makasuklam la kekayu; king laman da e ko mamangan, at ing bangke ra pisuklaman yu. They shall be even an abomination unto you; ye shall not eat of their flesh, but ye shall have their carcases in abomination.
Levitico Leviticus 11:12 Nanu ya man king danuman a alang palikpik at kaliskis ita makasuklam ya kekayu. Whatsoever hath no fins nor scales in the waters, that shall be an abomination unto you.
Levitico Leviticus 11:13 At karing ayup pisuklaman yu la deti; e la dapat mapangan, makasuklam la: ing aguila, at ing aguilang dayatmalat, at ing ayup a mamakling butul, And these are they which ye shall have in abomination among the fowls; they shall not be eaten, they are an abomination: the eagle, and the ossifrage, and the ospray,
Levitico Leviticus 11:14 At ing lawin, at ing halcon agpang king keang anyu, And the vulture, and the kite after his kind;
Levitico Leviticus 11:15 Balang awak agpang king keang anyu, Every raven after his kind;
Levitico Leviticus 11:16 At ing avestruz, at ing kuago, at ing gaviota, at ing balawe agpang king keang anyu. And the owl, and the night hawk, and the cuckow, and the hawk after his kind,
Levitico Leviticus 11:17 At ing malating kulayu, at ing somormujo, at ing maragul a kulayu, And the little owl, and the cormorant, and the great owl,
Levitico Leviticus 11:18 At ing cisne, at ing pelicano, at ing buitre, And the swan, and the pelican, and the gier eagle,
Levitico Leviticus 11:19 At ing bako, at ing tagak agpang king keang anyu, at ing abubilla, at ing talibatab. And the stork, the heron after her kind, and the lapwing, and the bat.
Levitico Leviticus 11:20 Ding sablang gagapang a bague a maki baguius a lalakad karing apat a bitis makasuklam la kekayu. All fowls that creep, going upon all four, shall be an abomination unto you.
Levitico Leviticus 11:21 Makanian man deti malyari yong apangan karing sablang gagapang a bague a maki baguius, a lalakad karing apat a bitis, ding maki puad a makaba babo ra ding karelang bitis, a pagluksu ra king babo labuad; Yet these may ye eat of every flying creeping thing that goeth upon all four, which have legs above their feet, to leap withal upon the earth;
Levitico Leviticus 11:22 Kareti malyari kong makapangan: ing durun agpang king keang anyu, at ing luktun agpang king keang anyu, at ing kamaru agpang king keang anyu, at ing durun dikut agpang king keang anyu. Even these of them ye may eat; the locust after his kind, and the bald locust after his kind, and the beetle after his kind, and the grasshopper after his kind.
Levitico Leviticus 11:23 Dapot ding sablang gagapang a bague a maki baguius, a maki apat a bitis, makasuklam la kekayu. But all other flying creeping things, which have four feet, shall be an abomination unto you.
Levitico Leviticus 11:24 At king kapamilatan da deti maguiung marinat ko pin: ing ninumang tagkil king bangke ra e malinis anggang gatpanapun; And for these ye shall be unclean: whosoever toucheth the carcase of them shall be unclean until the even.
Levitico Leviticus 11:25 At ing ninumang talan karing bangke ra pipian na ing keang imalan, at e ya maguing malinis anggang gatpanapun. And whosoever beareth ought of the carcase of them shall wash his clothes, and be unclean until the even.
Levitico Leviticus 11:26 Balang animal a maki kukung sagsag at e mibabangal, ni e maglati e ya malinis kekayu: ing ninumang tagkil kareta maguing marinat ya. The carcases of every beast which divideth the hoof, and is not clovenfooted, nor cheweth the cud, are unclean unto you: every one that toucheth them shall be unclean.
Levitico Leviticus 11:27 At nanu ya mang lalakad karing keang pangamus, karing anggang lasip a lalakad karing apat a bitis, marinat ya kekayu: ing ninumang makatagkil karing karelang bangke maguing marinat ya anggang gatpanapun. And whatsoever goeth upon his paws, among all manner of beasts that go on all four, those are unclean unto you: whoso toucheth their carcase shall be unclean until the even.
Levitico Leviticus 11:28 At ing magdala king bangke ra deta pipian na ing imalan na, at maguing marinat ya anggang gatpanapun: deti e la malinis kekayu. And he that beareth the carcase of them shall wash his clothes, and be unclean until the even: they are unclean unto you.
Levitico Leviticus 11:29 At deti ding marinat kekayu karing gagapang a bague king gabun: ing comadreja, at ing daguis, at ing barag agpang king keang anyu, These also shall be unclean unto you among the creeping things that creep upon the earth; the weasel, and the mouse, and the tortoise after his kind,
Levitico Leviticus 11:30 At ing tuku, at ing dapu, at ing lupisak at ing timbabalak, at ing galakgak. And the ferret, and the chameleon, and the lizard, and the snail, and the mole.
Levitico Leviticus 11:31 Deti ding marinat kekayu karing anggang gagapang: ing ninumang tagkil karela ngening mete la, e ya malinis anggang gatpanapun. These are unclean to you among all that creep: whosoever doth touch them, when they be dead, shall be unclean until the even.
Levitico Leviticus 11:32 At ing nanumang bague a mabaldug karela ngening mete na la, maguing marinat ya; maguing kasangkapan ya pa mang dutung, o imalan, o balat, o suput, aguiang nanu ya pang bague pangasangkapan, kailangan ibabad ya king danum, at maguing marinat ya anggang gatpanapun; kanita maguing malinis ne. And upon whatsoever any of them, when they are dead, doth fall, it shall be unclean; whether it be any vessel of wood, or raiment, or skin, or sack, whatsoever vessel it be, wherein any work is done, it must be put into water, and it shall be unclean until the even; so it shall be cleansed.
Levitico Leviticus 11:33 At balang kasangkapan a gabun, a kabalduganan king kaisanu pa mang dake ra deta, ing nanumang makalulan karela maguing marinat, at iti balbalan yuya. And every earthen vessel, whereinto any of them falleth, whatsoever is in it shall be unclean; and ye shall break it.
Levitico Leviticus 11:34 Ing sablang kanan a makaratuk a sukat mapangan a mibulusan king danum, maguing marinat; at ing sablang danum a malyaring inuman a milulan karing mesabing lulanan, maguing marinat. Of all meat which may be eaten, that on which such water cometh shall be unclean: and all drink that may be drunk in every such vessel shall be unclean.
Levitico Leviticus 11:35 At ing balang bague a mibalduganan dit muman king bangke ra, maguing marinat; aguiang ornu ya pa, o kalang piasinganan kuran, sukat yang pamirasuan: marinat la, at maguing marinat la kekayu. And every thing whereupon any part of their carcase falleth shall be unclean; whether it be oven, or ranges for pots, they shall be broken down: for they are unclean, and shall be unclean unto you.
Levitico Leviticus 11:36 Makanian man ing metung a bukal, o talagang pititipunan danum maguing malinis: dapot ing makatagkil karing bangke ra maguing marinat ya. Nevertheless a fountain or pit, wherein there is plenty of water, shall be clean: but that which toucheth their carcase shall be unclean.
Levitico Leviticus 11:37 At nung kabalduganan king bangke ra ing nanu mang bining tatanam a isalbag da na mu, malinis. And if any part of their carcase fall upon any sowing seed which is to be sown, it shall be clean.
Levitico Leviticus 11:38 Dapot nung ing danum mibili king bini, at kebalduganan king bangke ra, marinat ita kekayu. But if any water be put upon the seed, and any part of their carcase fall thereon, it shall be unclean unto you.
Levitico Leviticus 11:39 At nung mate ya ing metung a animal a e makabawal kanan yu; ing makatagkil king bangke na maguing marinat ya anggang gatpanapun. And if any beast, of which ye may eat, die; he that toucheth the carcase thereof shall be unclean until the even.
Levitico Leviticus 11:40 At ing mangan king bangke na niti pipian na ing imalan na, at maguing marinat ya anggang gatpanapun: ing magdala king bangke na naman niti pipian na ing imalan na, at maguing marinat ya anggang gatpanapun. And he that eateth of the carcase of it shall wash his clothes, and be unclean until the even: he also that beareth the carcase of it shall wash his clothes, and be unclean until the even.
Levitico Leviticus 11:41 At balang gagapang a bague a gagapang king labuad makasuklam ya; e ya mapangan. And every creeping thing that creepeth upon the earth shall be an abomination; it shall not be eaten.
Levitico Leviticus 11:42 Ing nanumang kukusad king atian na, at ing nanumang lalakad karing apat a bitis, o ing nanu mang maki dakal a bitis, aguiang ding anggang bague gagapang a gagapang king babo ning labuad, deti e yo kakanan; uling makasuklam la. Whatsoever goeth upon the belly, and whatsoever goeth upon all four, or whatsoever hath more feet among all creeping things that creep upon the earth, them ye shall not eat; for they are an abomination.
Levitico Leviticus 11:43 E yo pasuklaman ding sarili yu king kaisanu pa mang gagapang a bague a gagapang, ni e yu gagawan marinat ing sarili yu karela, uling mawa kayu king pamamalitan da. Ye shall not make yourselves abominable with any creeping thing that creepeth, neither shall ye make yourselves unclean with them, that ye should be defiled thereby.
Levitico Leviticus 11:44 Uling aku i GUINU a kekong Dios; papagbanalan yu pin ing kekong sarili, at magpakabanal kayu; pablasang aku banal ku: ni e yu mumusingan ing sarili yu king kaisanu pa mang gagapang a bague a kikimut king babo ning labuad. For I am the LORD your God: ye shall therefore sanctify yourselves, and ye shall be holy; for I am holy: neither shall ye defile yourselves with any manner of creeping thing that creepeth upon the earth.
Levitico Leviticus 11:45 Uling aku i GUINU a kinanua kekayu king labuad ning Egipto, bang aku ing maguing Dios yu: magpakabanal ko pin uling aku banal ku. For I am the LORD that bringeth you up out of the land of Egypt, to be your God: ye shall therefore be holy, for I am holy.
Levitico Leviticus 11:46 Iti ya ing kautusan dikil king animal, at king ayup, at king balang mabibie melalang a gagalo karing danuman, at king balang melalang a gagapang king babo ning labuad; This is the law of the beasts, and of the fowl, and of every living creature that moveth in the waters, and of every creature that creepeth upon the earth:
Levitico Leviticus 11:47 Bang gawang pamialiwa pilatan ding e malinis at ding malinis, at ding mabibie bague a sukat mapangan at ding mabibie bague a e sukat mapangan. To make a difference between the unclean and the clean, and between the beast that may be eaten and the beast that may not be eaten.