II  Samuel  8:1	At milyari kaibat na niti, king sigatan nong David ding Filisteos, at pepasuku nala: at kinua neng David ing frenu ning indung ciudad manibat king gamat da ding Filisteos.	And after this it came to pass that David smote the Philistines, and subdued them: and David took Methegammah out of the hand of the Philistines.
II Samuel 8:2	At sigatan na ing Moab, at sikdan no king pisi, a pepagkeran no king gabun; at sinukad yang aduang gulis bang makamate, at metung a ganap a gulis bang mingat mabie. At ding Moabitas meguing talasuyu nong David, at migdala lang buis.	And he smote Moab, and measured them with a line, casting them down to the ground; even with two lines measured he to put to death, and with one full line to keep alive. And so the Moabites became David's servants, and brought gifts.
II Samuel 8:3	Sigatan naya namang David i Hadadezer a anak nang Rehob, a ari king Zoba, inyang ume ya banang bawian ing keang sasakupan king Ilug.	David smote also Hadadezer, the son of Rehob, king of Zobah, as he went to recover his border at the river Euphrates.
II Samuel 8:4	At i David kinua no kea ding libu at pitung dalan a talapanyake kabayu, at aduangpulung libu kataung lalakad: at pinili nong David ding anggang kabayu ra ding carro, dapot tinagan dala karela ding dikil karing dinalan a carro.	And David took from him a thousand chariots, and seven hundred horsemen, and twenty thousand footmen: and David houghed all the chariot horses, but reserved of them for an hundred chariots.
II Samuel 8:5	At kanitang ding tau Siria ning Damasco dinatang la bang saupan de i Hadadezer a ari king Zoba, i David sinugat ya karing tau Siria aduangpulu at aduang libung lalaki.	And when the Syrians of Damascus came to succour Hadadezer king of Zobah, David slew of the Syrians two and twenty thousand men.
II Samuel 8:6	Kanita i David minili yang ejercito king Siria na ning Damasco; at ding tau Siria meguing talasuyu nong David, at migdala lang buis. At i GUINU munie yang pamagwagui kang David nu ya man mine.	Then David put garrisons in Syria of Damascus: and the Syrians became servants to David, and brought gifts. And the LORD preserved David whithersoever he went.
II Samuel 8:7	At kinua nong David ding kalasag a guintu a atiu karing talasuyu nang Hadadezer, at dela nala Jerusalem.	And David took the shields of gold that were on the servants of Hadadezer, and brought them to Jerusalem.
II Samuel 8:8	At manibat king Beta at manibat king Berota, a ciudad nang Hadadezer, kinanua ya ing aring David binang dakal a tangsu.	And from Betah, and from Berothai, cities of Hadadezer, king David took exceeding much brass.
II Samuel 8:9	At inyang damdaman nang Toi a ari king Hamat a sigatan nang David ing mabilug a ejercito nang Hadadezer,	When Toi king of Hamath heard that David had smitten all the host of Hadadezer,
II Samuel 8:10	Kanita i Toi tinubud ne i Joram a keang anak king aring David, bayang gumalang kea, at baneng panuanan, uling mekipamuk ya salang kang Hadadezer at sigatan ne: uling i Hadadezer mikaatin yang pamakipamuk kang Toi. At migdala ya i Joram karing lulanan a pilak, at karing lulanan a guintu, at karing lulanan a tangsu;	Then Toi sent Joram his son unto king David, to salute him, and to bless him, because he had fought against Hadadezer, and smitten him: for Hadadezer had wars with Toi. And Joram brought with him vessels of silver, and vessels of gold, and vessels of brass:
II Samuel 8:11	Deti man telaga nong aring David kang GUINU, kagum ning pilak at guintu a keang telaga a menibatan karing anggang bansa a keang pepasuku;	Which also king David did dedicate unto the LORD, with the silver and gold that he had dedicated of all nations which he subdued;
II Samuel 8:12	King Siria, at king Moab, at karing anak nang Ammon, at karing Filisteos, at kang Amalec, at ing mesamsam kang Hadadezer, a anak nang Rehob, a ari king Zoba.	Of Syria, and of Moab, and of the children of Ammon, and of the Philistines, and of Amalek, and of the spoil of Hadadezer, son of Rehob, king of Zobah.
II Samuel 8:13	At mika laguiu ya i David kanitang mibalik ya a ibat king pamaniugat karing tau Siria king Libis na ning Asin, karing labingwalung libung lalaki pin.	And David gat him a name when he returned from smiting of the Syrians in the valley of salt, being eighteen thousand men.
II Samuel 8:14	At minili yang tapuk king Edom; king mabilug a Edom minili yang tapuk, at ding anggang Edomeos meguing ipus la kang David. At i GUINU minie yang pamagwagui kang David nu ya man mine.	And he put garrisons in Edom; throughout all Edom put he garrisons, and all they of Edom became David's servants. And the LORD preserved David whithersoever he went.
II Samuel 8:15	At migari ya i David king mabilug a Israel; at pepatupad ya i David king justicia at king katuliran king keang mabilug a balayan.	And David reigned over all Israel; and David executed judgment and justice unto all his people.
II Samuel 8:16	At i Joab a anak nang Zeruia mamajala ya king ejercito; at Josafat a anak nang Ahilud metung yang talatala;	And Joab the son of Zeruiah was over the host; and Jehoshaphat the son of Ahilud was recorder;
II Samuel 8:17	At i Sadoc a anak nang Ahitub, at i Ahimelec a anak nang Abiatar, sacerdotes la; at i Seraya kalijim ya;	And Zadok the son of Ahitub, and Ahimelech the son of Abiathar, were the priests; and Seraiah was the scribe;
II Samuel 8:18	At i Benaya a anak nang Jeoiada mamajala ya karing Kereteos at karing Peleteos; at ding anak nang lalaking David pun lang talapanibala.	And Benaiah the son of Jehoiada was over both the Cherethites and the Pelethites; and David's sons were chief rulers.