II  Samuel  22:1	At sinabi nong David kang GUINU ding amanu na ning dalit a iti king aldo a linigtas neng GUINU king gamat da ding sablang kasalang na, at king gamat nang Saul:	And David spake unto the LORD the words of this song in the day that the LORD had delivered him out of the hand of all his enemies, and out of the hand of Saul:
II Samuel 22:2	At ngana, I GUINU ya ing kakung roca, at kakung katibayan, at talapagligtas ku, kanaku ya pin;	And he said, The LORD is my rock, and my fortress, and my deliverer;
II Samuel 22:3	Ing Dios, ing kakung roca, kea ku magsantung; Ya ing kakung kalasag, at ya ing sagu na ning kakung kaligtasan, ya ing kakung matas a batiawan, at ya ing kakung santungan; Ya ing kakung talapagligtas, ika ing magligtas kanaku manibat king bigla.	The God of my rock; in him will I trust: he is my shield, and the horn of my salvation, my high tower, and my refuge, my saviour; thou savest me from violence.
II Samuel 22:4	Maus ku kang GUINU, a karampatan purian: Inya miligtas ku karing kakung kasalang.	I will call on the LORD, who is worthy to be praised: so shall I be saved from mine enemies.
II Samuel 22:5	Uling ding alun na ning kamatayan kinubkub la kanaku; Ding bulus na ning kelan-dios pepatakutan daku:	When the waves of death compassed me, the floods of ungodly men made me afraid;
II Samuel 22:6	Ding tali na ning Sheol migpatulug la kanaku. Ding silu ning kamatayan dinatang la kanaku.	The sorrows of hell compassed me about; the snares of death prevented me;
II Samuel 22:7	King kanakung kagutgutan minaus ku kang GUINU; Wa, minaus ku king kakung Dios; At pekiramdaman na ing kanakung siwala king keang templo, At ing kanakung dalung miras karing keang balugbug.	In my distress I called upon the LORD, and cried to my God: and he did hear my voice out of his temple, and my cry did enter into his ears.
II Samuel 22:8	Kanita ing labuad minugun at guinalgal, Ding pipagtibayan na ning banua minayun la At minugun, uling mimua ya.	Then the earth shook and trembled; the foundations of heaven moved and shook, because he was wroth.
II Samuel 22:9	Minukiat ing asuk ibat karing keang busbus arung, At ing api a ibat king keang asbuk minlaklak: Ding uling batu pepatawan nala.	There went up a smoke out of his nostrils, and fire out of his mouth devoured: coals were kindled by it.
II Samuel 22:10	Pepadukuan nala naman ding banua, at kinuldas ya; At ing makapal a dalumdum atiu king lalam da ding keang bitis.	He bowed the heavens also, and came down; and darkness was under his feet.
II Samuel 22:11	At sinake ya king metung a querubin, at sinulapo ya; Wa, meakit ya babo ding baguius ning angin.	And he rode upon a cherub, and did fly: and he was seen upon the wings of the wind.
II Samuel 22:12	At guewa nang pavilion ing dalumdum king makapatulug kea, Ing kapamisanan da ding danum, ding makapal a lulam karing katasan.	And he made darkness pavilions round about him, dark waters, and thick clouds of the skies.
II Samuel 22:13	At ing aslag king keang arapan Ding baya na ning ari milablab la.	Through the brightness before him were coals of fire kindled.
II Samuel 22:14	I GUINU dinuldul yang manibat banua. At sikan na ing siwala na ning Kakataskatasan.	The LORD thundered from heaven, and the most High uttered his voice.
II Samuel 22:15	At pepabal yang uyung, at silbag nala; Kildap, at guiluan nala.	And he sent out arrows, and scattered them; lightning, and discomfited them.
II Samuel 22:16	Kanita ding mangalalam ning dayatmalat linto la, Ding pipagtibayan na ning yatu meakit la, King uli ning pamamawal nang GUINU, King tiup na ning pangisnawa ra ding keang busbus arung.	And the channels of the sea appeared, the foundations of the world were discovered, at the rebuking of the LORD, at the blast of the breath of his nostrils.
II Samuel 22:17	Mitubud yang menibat babo, kinua naku; Seguipan nakung ibat karing dakal a danum;	He sent from above, he took me; he drew me out of many waters;
II Samuel 22:18	Linigtas naku king masikan kung kasalang, Karing mimua kanaku; uling bina lang masikanan kanaku.	He delivered me from my strong enemy, and from them that hated me: for they were too strong for me.
II Samuel 22:19	Dinatang la kanaku king aldo na ning kakung kasakitan; Dapot i GUINU ya ing kanaku mamalale.	They prevented me in the day of my calamity: but the LORD was my stay.
II Samuel 22:20	Liwal naku naman king maliwalas a karinan; Linigtas naku, uling metula ya kanaku.	He brought me forth also into a large place: he delivered me, because he delighted in me.
II Samuel 22:21	I GUINU inablasan naku agpang king kanakung katuliran; Agpang king kalinisan da ding kanakung gamat inablasanan naku.	The LORD rewarded me according to my righteousness: according to the cleanness of my hands hath he recompensed me.
II Samuel 22:22	Uling iningat ko ding dalan nang GUINU, At e ku kinawaning marawak king kanakung Dios.	For I have kept the ways of the LORD, and have not wickedly departed from my God.
II Samuel 22:23	Uling ding sabla nang tuntunan atilu king arapan ku; At tungkul karing keang kautusan, e ko kewanian.	For all his judgments were before me: and as for his statutes, I did not depart from them.
II Samuel 22:24	Sakdal ku naman nayun kea; At iningat ku king kakung dewakan ing sarili ku.	I was also upright before him, and have kept myself from mine iniquity.
II Samuel 22:25	Inya inablasanan nakung GUINU agpang king kakung katuliran, Agpang king kalinisan ku king keang panimanman.	Therefore the LORD hath recompensed me according to my righteousness; according to my cleanness in his eye sight.
II Samuel 22:26	King mapamakalulu pakit kang mapamakalulu; King taung sakdal pakit kang sakdal;	With the merciful thou wilt shew thyself merciful, and with the upright man thou wilt shew thyself upright.
II Samuel 22:27	King wagas pakit kang wagas; At king marawak pakit kang marawak.	With the pure thou wilt shew thyself pure; and with the froward thou wilt shew thyself unsavoury.
II Samuel 22:28	At iligtas mu ing balayan a mipasakitan; Dapot ding kekang mata ibili mula karing palalu, bamong ababa.	And the afflicted people thou wilt save: but thine eyes are upon the haughty, that thou mayest bring them down.
II Samuel 22:29	Uling ika ing kakung sulu, Oh GUINU; At aslagan nang GUINU ing kakung kadalumduman.	For thou art my lamp, O LORD: and the LORD will lighten my darkness.
II Samuel 22:30	Uling king pamamilatan mu tatagalan ku ing tropa; King pamamilatan na ning kanakung Dios luksuan keng lipatan ing kuta.	For by thee I have run through a troop: by my God have I leaped over a wall.
II Samuel 22:31	Tungkul king Dios, ing keang dalan sakdal ya: Ing amanu nang GUINU mesubuk; Kalasag ya karing anggang magsantung kea.	As for God, his way is perfect; the word of the LORD is tried: he is a buckler to all them that trust in him.
II Samuel 22:32	Uling ninu ing Dios, nung e mu i GUINU? At ninu ing metung a roca, nung e mu ing kekatamung Dios?	For who is God, save the LORD? and who is a rock, save our God?
II Samuel 22:33	Ing Dios kaku yang matibe kuta; At patnubayan ne ing sakdal king keang dalan.	God is my strength and power: and he maketh my way perfect.
II Samuel 22:34	Gagawan nala ding keang bitis anti mong bitis ding malutung usa, At bibili naku karing babo ding kakung matas a karinan.	He maketh my feet like hinds' feet: and setteth me upon my high places.
II Samuel 22:35	Ituturu ne ing kanakung gamat king pamakipamuk, Inya ding takde ku abatak de ing metung a baing tangsu.	He teacheth my hands to war; so that a bow of steel is broken by mine arms.
II Samuel 22:36	Binie mia naman kanaku ing kalasag ning kekang kaligtasan; At peparagul naku ning kekang kamung lub.	Thou hast also given me the shield of thy salvation: and thy gentleness hath made me great.
II Samuel 22:37	Peparagul mo ding lakbang ku king lalam ku; At ding kanakung bitis e la mitalusad.	Thou hast enlarged my steps under me; so that my feet did not slip.
II Samuel 22:38	Kanaku lang tegal ding kasalang ku, at sinintang kula; Ni e ku mibalik pasibayu anggang e la melipul.	I have pursued mine enemies, and destroyed them; and turned not again until I had consumed them.
II Samuel 22:39	At linipul kula, at sigatan kula, nanupata e no malyaring mibangun: Wa, miragsa la king lalam da ding bitis ku.	And I have consumed them, and wounded them, that they could not arise: yea, they are fallen under my feet.
II Samuel 22:40	Uling bebatan muku king sikanan king labanan; Pepasukuan mula kanaku detang tinalakad salang kanaku.	For thou hast girded me with strength to battle: them that rose up against me hast thou subdued under me.
II Samuel 22:41	Pepagulutan mula naman kanaku ding kakung kasalang, Bakong akawani ding misasakuil kanaku.	Thou hast also given me the necks of mine enemies, that I might destroy them that hate me.
II Samuel 22:42	Liningus la, dapot alang magligtas; Aguiang kang GUINU pa, dapot e no pekibatan.	They looked, but there was none to save; even unto the LORD, but he answered them not.
II Samuel 22:43	Kanita kaku lang dinunut mangalati a anti mong alikabuk ning labuad, Kaku lang piniamusak a anti mo ing burak ding dalan, at kaku lang kinalat.	Then did I beat them as small as the dust of the earth, I did stamp them as the mire of the street, and did spread them abroad.
II Samuel 22:44	Linigtas muku naman manibat king pamakitua ning kanakung balayan; Iningat muku a maguing pekabuntuk da ding bansa: Ing metung a balayan a e ku akilala sumuyu ya kanaku.	Thou also hast delivered me from the strivings of my people, thou hast kept me to be head of the heathen: a people which I knew not shall serve me.
II Samuel 22:45	Ding tau king aliwang labuad pasipamintu la kanaku: Pamanamdam da kanaku, pamintuan daku.	Strangers shall submit themselves unto me: as soon as they hear, they shall be obedient unto me.
II Samuel 22:46	Ding tau king aliwang labuad kumupas la. At lual lang gagalgal ibat karing karelang makakabat a karinan.	Strangers shall fade away, and they shall be afraid out of their close places.
II Samuel 22:47	I Guinu mabie ya; at nuan ya ing kanakung roca; At misaplala ya ing Dios, a roca na ning kakung kaligtasan,	The LORD liveth; and blessed be my rock; and exalted be the God of the rock of my salvation.
II Samuel 22:48	Ing Dios pin a miablas kanaku, At papapangayupapa karing balayan lalam ku,	It is God that avengeth me, and that bringeth down the people under me,
II Samuel 22:49	At kakua kanaku manibat karing kakung kasalang: Wa, itatas muku karing tatalakad salang kanaku; Ililigtas muku king mapamiglang lalaki.	And that bringeth me forth from mine enemies: thou also hast lifted me up on high above them that rose up against me: thou hast delivered me from the violent man.
II Samuel 22:50	Inya pin munie kung kapasalamatan keka, Oh GUINU, king libutad ding bansa, At idalit ku ing kapurian king kekang laguiu.	Therefore I will give thanks unto thee, O LORD, among the heathen, and I will sing praises unto thy name.
II Samuel 22:51	Maragul a pamagligtas ing babie na king keang ari, At papakit yang mayubung lub king keang linian, Kang David at king keang bini, king kapilan pa man.	He is the tower of salvation for his king: and sheweth mercy to his anointed, unto David, and to his seed for evermore.